გასულ კვირას, საფონდო ბირჟებმა 2020 წლის მარტის შემდეგ, ყველაზე დიდი კლება აჩვენეს, თუმცა, პარასკევის არასტაბილური ვაჭრობის შემდეგ, წინა დღესთან შედარებით, აქციები მცირედით გაიზარდა. აქვე აღსანიშნავია, რომ წინა კვირას გამოქვეყნდა რამდენიმე მნიშვნელოვანი ეკონომიკური საზომი, როგორიცაა საცალო და საცხოვრებელი გაყიდვები, რომლებიც ნავარაუდებ ნიშნულზე დაბალი აღმოჩნდა, ამასთან, წინა კვირას აშშ-ს ფედერალურმა რეზერვმა საპროცენტო განაკვეთი 0.75%-ით გაზარდა, რაც 1994 წლის შემდეგ ყველაზე მაღალი ზრდის მაჩვენებელია.

გასულ კვირას, 40 წლიანი რეკორდული ინფლაციის მაჩვენებლის ფონზე, ამერიკის ფინანსური ბაზრები მნიშვნელოვნად შემცირდა. პარასკევს დოუ ჯონსის ოცდაათივე აქციის ფასი შემცირდა, ხოლო ნიუ იორკის ბირჟაზე ღირებულება დაკარგულ აქციათა რაოდენობამ რვაჯერ გადააჭარბა გაზრდილთა რაოდენობას. ინფლაციის ახალმა ნიშნულმა, რომელმაც 8.6%-ს მიაღწია, უფრო გაამძაფრა რეცესიასა და მომავალ კვირაში Fed-ის მიერ მონეტარული პოლიტიკის შესაძლო გამკაცრების შიში. შემდეგ ეს კვირა აქციებისთვის ყველაზე რთული აღმოჩნდა, დოუ ჯონსი 4.6%-ით, S&P 500 5%-ით, ხოლო Nasdaq Composite 5.6%-ით შემცირდა. 

სიახლეები:

მას შემდეგ, რაც ამერიკის დასაქმების სტატისტიკა გამოქვეყნდა, აქციების ფასები პარასკევის ვაჭრობის შემდეგ მკვეთრად დაეცა. ინვესტორების აზრით, დასაქმების და ახალი სამუშაო ადგილების კარგი მაჩვენებლები დამატებით სტიმულს მისცემს  ამერიკის ფედერალირ რეზერვს, რომ მონეტარული პოლიტიკის გამკაცრება გააგრძელოს. ინვესტორების სენტიმენტებზე ასევე ცუდად იმოქმედა ილონ მასკის განცხადებამ, იმის შესახებ, რომ მას ძალიან ცუდი წინათგრძნობა აქვს ამერიკის ეკონომიკურ მდგომარეობასთან დაკავშირებით და Tesla-ში დასაქმებული ადამიანების გარკვეული ნაწილის გათავისუფლებაზე ფიქრობს.

2 თვიანი დაღმავალი ტრენდის შემდეგ, გასულ კვირას საფონდო ბირჟები მნიშვნელოვნად გაიზარდა. უფრო კონკრეტულად, Dow Jones-ის ინდექსი წინა კვირას 6.2%-ით გაიზარდა, ხოლო S&P-იმ და Nasdaq-ის ინდექსებმა შესაბამისად 6.5%-იანი და 6.8%-იანი ზრდა დააფიქსირეს. ინდექსების მატება ძირითად ხუთშაბათსა და პარასკევს დაფიქსირდა, რაც გაყიდვების სექტორის კარგმა შედეგებმა და ინფლაციის კლებასთან დაკავშირებულმა ანგარიშმა განაპირობა, რომელმაც ინვესტორებს იმედი მისცა რომ ფედერალური რეზერვის პოლიტიკა აშშ-ს რეცესიის თავიდან არიდებაში დაეხმარება.

პარასკევს მცირე პერიოდის განმავლობაში აქციების ვარდნამ ბირჟები, ე.გ „Bear Market”-ში გადაიყვანა, რაც ნიშნავს, რომ S&P  500-ის ინდექსი ისტორიული მაქსიმუმიდან 20%-ზე მეტით იყო შემცირებული.  აქციების ფასების ვარდნა საცალო გაყიდვების სფეროს წარმომადგენლების ცუდმა შედეგებმა და რეცესიის გაზრდილმა მოლოდინებმა გამოიწვია. კვირის განმავლობაში Dow Jones-ის ინდექსი 2.9%-ით შემცირდა, რაც ინდექსისთვის ვარდნის მე-8 კვირაა. წინა კვირას S&P 500-ის ინდექსი 3%-ით შემცირდა, ხოლო Nasdaq-ის ტექნოლოგიური კომპანიებით გაჯერებული ინდექსის კლება 3.8% იყო

პარასკევს, ფინანსურ ბირჟებზე ქაოტური კვირის დასასრულს, აქციების ფასები გაიზარდა, მას შემდეგ რაც ფედერალური რეზერვის თავჯდომარე ჯერომ პაუელმა ინვესტორები დაამშვიდა, რომ FED-ი არ გეგმავს საპროცენტო განაკვეთების 0.75%-ით გაზრდას. მიუხედავად პარასკევს აქციების ზრდისა, მთლიანი კვირის განმავლობაში ინდექსები მაინც წითელ ზონაში დაიხურა. ამის მიზეზი მაღალ ინფლაციის აღმოსაფხვრელად გადაგმული Fed-ის ნაბიჯებია, რომელიც დიდი ალბათობით ამერიკის ეკონომიკას რეცესიაში გადაიყვანს.

ამერიკის საფონდო ბირჟაზე ძირითადი ინდექსები ზედიზედ მეხუთე კვირაა მცირდება. ინფლაცია, გაზრდილი საპროცენტო განაკვეთები და ახლა უკვე კომპანიების ზრდის ტემპის შენელების შიში დიდ ზეგავლენას ახდენს ბირჟებზე, განსაკუთრებით მტკივნეულად კი ტექნოლოგიური კომპანიებისა და სწრაფად მზარდი კომპანიების აქციების ფასებზე. „Dow Jones”-ისა და  “S&P 500”-ის ინდექსები კორექციის ზონაში იმყოფებიან, რაც ნიშნავს რომ ისტორიული მაქსიმუმიდან 10%-ზე მეტით არიან შემცირებულნი, ხოლო „Nasdaq Composite“-ის ინდექსი კი ეგრეთწოდებულ „Bear Market”-ში იმყოფება და ისტორიული მაქსიმუმიდან 25%-ზე მეტით არის შემცირებული.

ტექნოლოგიური გიგანტების შედეგები: 

Meta: “Meta”-ს (FB) პრეზენტაციისას ინვესტორების ყურადღება კომპანიის მზარდმა ყოველდღიური მომხმარებლების რაოდენობამ მიიპყო.  „FB”-ს შემოსავლები ბირჟაზე დალისტვის შემდეგ მიმდინარე კვარტალში ყველაზე ნაკლებად გაიზარდა, თუმცა დღიურად აქტიური მომხმარებლების რაოდენობა 4%-ით, 1.96 მილიარდამდე გაიზარდა, რაც ინვესტორებისთვის მოულოდნელი ზრდა აღმოჩნდა და „Meta”-ს აქციების ფასი, ოთხშაბათს, არასაბირჟო სავაჭრო სესიის დროს 16%-ზე მეტით გაიზარდა. 

ინდექსები:

• ელონ მასკს Twitter-ის მთლიანად ყიდვა სურს: გასულ კვირას ელონ მასკმა ტვიტერის წარმომადგენლებს წერილი გაუგზავნა, სადაც მან Twitter-ის მთლიანად ყიდვის სურვილი გამოთქვა. მისი შეთავაზება $43 მილიარდი იყო.  „Tesla”-ს დამფუძნებლის განცხადებით, ეს მისი ბოლო და საუკეთესო შემოთავაზებაა. „Twitter”-ის (TWTR) საბჭო ამ ინიციატივას არც თუ დიდი აღფრთოვანებით შეხვდა. მათ ე.წ , „Poison pill” შიდა პოლიტიკაც კი დაამტკიცეს პარასკევს, რომელიც არამომგებიანს გახდის მასკის მიერ ბირჟაზე ტვიტერის დიდი წილის შესყიდვას კომპანიის საბჭოს თანხმობის გარეშე.