გასულ კვირას გამოქვეყნდა ამერიკის ინფლაციის მაჩვენებელი, რომელმაც მოლოდინზე მეტი, წლიური 4.7% პროცენტი შეადგინა (საშუალო პროგნოზი მხოლოდ 4.3% იყო). აღსანიშნავია, რომ ეს კონკრეტული მაჩვენებელი (PCE – Personal Consumption Expenditure) ასახავს ფასთა ზრდას ისეთ პროდუქტებში და სერვისებში, რომლებიც ყველაზე უშუალოდ ეხება მომხმარებელს. შესაბამისად, ფედერალური რეზერვი განსაკუთრებულ მნიშვნელობას ანიჭებს ამ მაჩვენებელს.
Global Finance-მა 2023 წლის მსოფლიოს საუკეთესო საინვესტიციო ბანკების სია გამოაქვეყნა, “გალტ & თაგარტი” კი საქართველოში საუკეთესო საინვესტიციო ბანკად დაასახელა.
შერჩევის პროცესი ფინანსური ინსტიტუტების საქმიანობის დეტალურ კვლევასა და ინდუსტრიის ექსპერტების შეფასებას ეფუძნება. გამარჯვებულების ვინაობას კი საინვესტიციო ბანკის ბაზრის წილი, გარიგებების რაოდენობა და მოცულობა, ბაზარზე მათი რეპუტაცია, კონკურენტუნარიანობა, სერვისები და ინოვაციები განაპირობებს.
ბოლო პერიოდში გაძვირებული სურსათი ერთ-ერთი ყველაზე აქტუალური საკითხია საქართველოში. ამასთან, მსოფლიო ბაზარზე უკვე მეათე თვეა სურსათის ფასები თვიდან-თვემდე კლებულობს FAO-ს მონაცემებით და კლება ან უმნიშვნელო ზრდა ფიქსირდება მსოფლიო ბანკის მონაცემებით.
პოზიტიურია, რომ საქართველოში 2022 წლის ოქტომბრიდან ინფლაციის შენელების ტენდენცია გვაქვს, რომელიც 2023 წლის იანვარში შენელდა 9.4%-მდე 2022 წლის იანვრის პიკური 13.9%-დან. სურსათის ფასებშიც ფიქსირდება შენელება, მაგრამ არა იმ ტემპით, რაც მსოფლიო ბაზარზე ან სხვა სასაქონლო ჯგუფებშია საქართველოში (მაგალითად საწვავი).
Airbnb (ABNB)
Airbnb-მ გასულ კვირას ბრწყინავლე ფინანსური შედეგები გამოაქყვენა, რის შედეგადაც კომპანიის აქციების ფასი 20.9%-ით გაიზარდა. კომპანიამ ბოლო კვარტალში მოლოდინზე მაღალი, $1.9 მილიარდიანი ბრუნვა დააფიქსირა, ხოლო მოგება თითო აქციაზე (EPS) 25 ცენტიანი პროგნოზის ნაცვლად 48 ცენტი იყო, რაც თითქმის ორჯერ მეტია. Airbnb-ს ჯამური მოგება კვარტალში $319 მილიონი იყო, რაც თითქმის 6-ჯერ მეტია წინა წლის იმავე კვარტლის მაჩვენებელზე.
ბაზრის მიმოხილვა:
„გალტ & თაგარტის“ მხარდაჭერით და აზიის განვითარების ბანკის (ADB) მიერ განხორციელებული ინვესტიციით, მიკროსაფინანსო ორგანიზაცია „კრისტალმა“ საფონდო ბირჟაზე ორწლიანი გენდერული ობლიგაციები განათავსა.
„საქართველოს ბანკის“, როგორც თანაინვესტორის და „აზიის განვითარების ბანკის“, როგორც მთავარი ინვესტორის მხარდაჭერით, ფასიანი ქაღალდების ჯამური ღირებულება 25 მილიონ ლარს შეადგენს. აზიის განვითარების ბანკის მიერ განხორციელებული ინვესტიციის მოცულობა 18.75 მილიონი ლარია, საქართველოს ბანკის წილი კი 6.25 მილიონ ლარს შეადგენს.
„გალტ & თაგარტმა“, USAID-ის ეკონომიკური მმართველობის პროგრამის მხარდაჭერით, საქართველოში კერძო კაპიტალის ბაზრის (private equity) განვითარების შესახებ კვლევის შედეგები წარადგინა. კონფერენციაში მონაწილეობდნენ საინვესტიციო ფონდების, საერთაშორისო საფინანსო ინსტიტუტებისა და საჯარო სექტორის წარმომადგენლები.
„გალტ & თაგარტის“ კვლევა ფარავს კერძო კაპიტალის განვითარების გლობალურ ტენდენციებს, რეგიონისა და ბალტიის ქვეყნებში სექტორის განვითარების ანალიზს და საქართველოში ამ კუთხით არსებულ მდგომარეობას.
ამერიკის ფედერალურმა რეზერვმა საპროცენტო განაკვეთი მოლოდინის თანახმად, 0.25%-ით გაზარდა. განაკვეთის ზრდის ტემპის შემცირებას ინვესტორები დიდი ხანია ელოდნენ, თუმცა საკვირველი იყო მთავარი თავმჯდომარის მიერ გაკეთებული განცხადება. თავმდჯომარემ საკმაოდ დადებითი ტონით ისაუბრა და იმაზეც მიანიშნა, რომ ფედერალურმა რეზერვმა შესაძლოა მალე შეწყვიტოს განაკვეთის ზრდა. ამას, რა თქმა უნდა, დადებითი რეაქცია მოჰყვა აქციების ბაზრებზე. განსაკუთრებით დიდი ზრდა ნახეს ტექნოლოგიურმა აქციებმა, როგორებიცაა Tesla (+6.8%), Apple (5.9%), Meta Platforms (22.9%) და Spotify (18.5%).
აქციების ფასები პარასკევს გაიზარდა, რამაც ხელი შეუწყო ინდექსებს, რომ წინა კვირის განმავლობაში ნოემბრის შემდეგ ყველაზე დიდი ზრდა დაეფიქსირებინათ. აქციების ფასების ზრდის ერთ-ერთი განმაპირობებელი ფაქტორი იყო დიდი საერთაშორისო ბანკების მიერ გამოქვეყნებული კარგი კვარტალური შედეგები. ყველა ბანკი, რომელმაც შედეგები გამოაქვეყნა, მათ შორის Bank of America, Citigroup, J.P. Morgan და Wells Fargo, პარასკევს გაიზარდა.
