ბაზრის მიმოხილვა:
გასულ კვირას, აქციების ბაზრები მცირედით დაეცა მას შემდეგ, რაც აშშ-ში გამოქვეყნდა მომხმარებლის გაუარესებული სენტიმენტები და მაღალი ინფლაციის მოლოდინები. მაისში Michigan Consumer Sentiment Index 6 თვის ყველაზე დაბალ ნიშნულამდე, 57.7-მდე შემცირდა, ხოლო 5-წლიანი ინფლაციის მოლოდინები კი საგრძნობლად გაიზარდა. კვირის განმავლობაში, Nasdaq 100 0.6%-ით გაიზარდა, S&P 500 0.3%-ით შემცირდა, ხოლო Dow Jones-მა 1.1% დაკარგა.

,,თეგეტა ჰოლდინგმა” „გალტ & თაგარტის“ მხარდაჭერით, 20 მილიონი აშშ დოლარისა და 5 მილიონი ევროს ღირებულების ობლიგაციები წარმატებით განათავსა. ობლიგაციების ვადა 2 წელია, სარგებლის გადახდა 6 თვეში ერთხელ მოხდება, აშშ დოლარში დენომინირებულ ობლიგაციებზე წლიური 8.5%-ის, ხოლო ევროში დენომინირებულ ობლიგაციებზე  წლიური 7.0%-ის ოდენობით.

ეს არის ავტოინდუსტრიის ლიდერი კომპანიის მიერ უცხოურ ვალუტაში განხორციელებული პირველი საჯარო ემისია, რომელში ინვესტიციაც ფიზიკური პირებისთვისაც ხელმისაწვდომია. 

ბაზრები:
გასული კვირა აქციების ბაზრებზე დიდი ცვლილებებით არ გამოირჩეოდა. ამის მიზეზი კი  იყო ის, რომ საკმაოდ არაერთგვაროვანი სიახლეები გამოქვეყნდა, როგორც კომპანიების კვარტალურ შედეგებთან, ასევე აშშ-ს ეკონომიკასთან დაკავშირებით. კვირის განმავლობაში, Dow Jones 0.3%-ით შემცირდა, S&P 500-მა 0.1% დაკარგა, ხოლო Nasdaq კი 0.4%-ით დაეცა. მიმდინარე კვირაში ისეთი დიდი კომპანიები გამოაქვეყნებენ შედეგებს, როგორიცაა Microsoft, Amazon, Alphabet და ა.შ.

„გალტ & თაგარტის“ მხარდაჭერით, კომპანია „ჯეოსთილმა“ ობლიგაციების პირველი ემისია - 15,000,000 აშშ დოლარის ოდენობით წარმატებით განათავსა. აღნიშნული ტრანზაქცია ჯამურად დაგეგმილი 30,000,000 აშშ დოლარამდე ემისიის პირველი ტრანშია. მეორე ტრანშის ემისია 2023 წლის მეორე ნახევარში იგეგმება.

ბაზრები:

აშშ-ს აქციების ბაზრებზე ზედიზედ მეოთხე კვირის განმავლობაში ზრდა დაფიქსირდა. გასული კვირის დადებითი დინამიკა დიდწილად ბანკების კვარტალურმა შედეგებმა განაპირობა. JPMorgan Chase, Citigroup და Wells Fargo-მ ანალიტიკოსების პროგნოზებზე უკეთესი შედეგები გამოქვეყნეს, როგორც ბრუნვის ისევე მოგების მხრივ. Dow Jones კვირის განმავლობაში 1.2%-ით გაიზარდა, S&P 500 0.8%-ით, ხოლო Nasdaq Composite 0.3%-ით.

გასულ კვირაში აქციების ფასები დიდი მერყეობით ხასათდებოდა. აშშ-ში გამოქვეყნდა მოლოდინზე უარესი მაკროეკონომიკური მონაცემები, რომლებიც შენელებულ ეკონომიკურ აქტივობაზე მიანიშნებენ (მაგალითად მომსახურების და მრეწველობის PMI-ები). აღსანიშნავია, რომ ამჟამად ინვესტორები ღელავენ შესაძლო რეცესიაზე, ისევე როგორც გასულ წელს ფედერალური რეზერვის მონეტარულ პოლიტიკაზე .

აქციების ბაზრები:

გასულ კვირას, აშშ-ს რამდენიმე საკმაოდ მსხვილი ბანკი იდგა გაკოტრების რისკის წინაშე. მათ შორის: Silicon Valley Bank, First Republic Bank და ორ-საუკუნოვანი ისტორიის მქონე შვეიცარული ბანკი - Credit Suisse. 

ამ მოვლენებთან დაკავშირებით ცენტრალური ბანკები მზად არიან საჭირო სახსრები მიაწოდონ ფინანსურ ორგანიზაიცებს, რომლებიც ლიკვიდურობის პრობლემის წინაშე დგანან. ამ შინაარსის განცხადებებმა მცირედით შეამსუბუქა ინვესტორების პესიმიზმი: კვირის განმავლობაში S&P 500 2.1%-ით გაიზარდა, Nasdaq-ის ტექნოლოგიური ინდექსი კი 6.5%-ით.

აშშ-ს სახაზინო ობლიგაციის მეშვეობით ინვესტორი აძლევს სესხს აშშ-ს მთავრობას. ამ ტიპის ობლიგაცია პრაქტიკულად ურისკო საინვესტიციო საშუალებად მიიჩნევა, რადგან აშშ-ს სახელმწიფოს გადახდისუნარიანობის სიმძლავრე დიდწილად ეჭვგარეშეა. დღეს წლიური საპროცენტო განაკვეთი 1-წლიან სახაზინო ობლიგაციაზე 5.0%-მდეა, რაც ისტორიულად მაღალი უკუგების მაჩვენებელია.

გასული კვირა აქციების ბაზრებისთვის წელს ყველაზე უარყოფითი შედეგით დასრულდა. შედეგად, აშშ-ს სახაზინოები, ოქრო და სხვა დაბალ-რისკიანი აქტივების ფასებმა მოიმატა. ეს ყველაფერი კი ტექნოლოგიურ ინდუსტრიებზე კონცენტრირებული ბანკის, Silicon Valley Bank-ის ჩამოშლის შედეგია. რეგიონალური ბანკების აქციები მკვეთრად გაუფასურდა, რაც აისახა S&P 500 Regional Bank ETF-ის 16%-იან გაუფასურებაში.