სექტორები

ანგარიშის გადმოწერა (ინგ)

ანგარიშის გადმოწერა (ქარ)

2024 წელს FMCG ბაზრის ზომა 23.3 მლრდ ლარს მიაღწევს, რაც წლიურად 9.5%-იანი ზრდაა. 2024 წელს FMCG სექტორის შემოსავლების ზრდა ძირითადად მოთხოვნის ფაქტორით არის განპირობებული, რადგან ფასისმიერი ეფექტი მინიმალურია. აღსანიშნავია, რომ ბრენდული ქსელები სხვა ფორმატებზე მაღალი ტემპით იზრდება - 2024 წელს ბრენდული ქსელების შემოსავლების ზრდა წლიურად 14.9%-ით 9.5 მლრდ ლარამდეა მოსალოდნელი, ხოლო სხვა ფორმატების ზრდა 6.1%-ის დონეზე. შედეგად, ბრენდული ქსელების წილი 40.7%-ია, რაც დინამიკაში მზარდია.

2024 წლის ნოემბერში:

ნავთობის ფასი თვიურად 0.3%-ით შემცირდა. ოქტომბრის შემდეგ ნავთობის ფასი ვიწრო მონაკვეთში მერყეობს, რაც სხვადასხვა საპირისპირო ფაქტორების მოქმედების შედეგია. ახლო აღმოსავლეთის კონფლიქტი, ჩინური მოთხოვნა, ტრამპის დაპირებები, და OPEC-ის შეხვედრა კვლავ ყველაზე მნიშვნელოვანი თემები იყო ნოემბერში.

2024 წლის ოქტომბერში,

ნავთობის ფასი თვიურად 1.9%-ით გაიზარდა. თვის განმავლობაში ტრეიდერების ყურადღება მიმართული იყო ახლო აღმოსავლეთის კონფლიქტის, OPEC+-ის მიწოდების ცვლილებისა და აშშ-ს არჩევნების პოტენციური შედეგებისკენ.

2024 წლის სექტემბერში:

ნავთობის ფასი თვიურად 8.9%-ით შემცირდა. მიუხედავად რამდენიმე დადებითი ფაქტორისა, ფასებმა დაბალი მოთხოვნისა და მოსალოდნელი მაღალი მიწოდების გამო კლება განაგრძო. სექტემბერში ფასის კლება ოქტომბრის პირველივე დღეებში დაფიქსირებული მატებით გადაიფარა, რაც ისრაელს, ჰეზბოლასა და ირანს შორის გამწვავებული კონფლიქტის შედეგია.

2024 წლის აგვისტოში:

ნავთობის ფასი თვიურად 2.4%-ით შემცირდა. აგვისტოში ფასები მკვეთრად მერყეობდა, რისი მიზეზიც დადებითი და უარყოფითი სენტიმენტების ცვალებადობა იყო.

ბუნებრივი აირის ფასი თვიურად 13.1%-ით გაიზარდა. ზრდა რამდენიმე მნიშვნელოვანი ფაქტორის შედეგი იყო. მათ შორის, ომი რუსეთის ტერიტორიაზე, სხვა ქვეყნებში (ეგვიპტეში) გაჩენილი მოთხოვნა და ნორვეგიული გაზსადენის სამუშაოები.

2024 წლის ივლისში:

ნავთობის ფასი თვიურად 6.6%-ით შემცირდა. თვის განმავლობაში რამდენიმე პოზიტიური ფაქტორის მიუხედავად ნავთობმა ზედიზედ 4 კვირა კლებით დაასრულა და ივლისი ერთ ბარელზე $80.7 ღირებულებით დახურა. აშშ-ში კლებადი მარაგები და ახლო აღმოსავლეთში კონფლიქტის ესკალაცია საკმარისი არ აღმოჩნდა გლობალური მოთხოვნის პრობლემების გადასაწონად.

2024 წლის ივნისში:

ნავთობის ფასი თვიურად 5.9%-ით გაიზარდა. ზრდის ერთ-ერთი განმაპირობებელი ფაქტორი ახლო აღმოსავლეთში კონფლიქტის ესკალაციის ალბათობა იყო. გარდა გეოპოლიტიკური რისკებისა, ფასზე კატაკლიზმური მოვლენებიც მოქმედებს.

სამშენებლო და სარემონტო მასალების სექტორის შემოსავალი საშუალოდ 12.3%-ით გაიზარდა 2018-23 წლებში და $5.3 მილიარდს მიაღწია 2023 წელს. აღსანიშნავია, რომ სექტორის ბრუნვის ორ მესამედს იმპორტირებული საქონელი შეადგენს და შედარებით მცირეა ადგილობრივი წარმოების წილი. იმპორტზე დამოკიდებულება შედარებით მცირეა სამშენებლო მასალების სექტორში, ხოლო მაღალია სარემონტო მასალების, საყოფაცხოვრებო ტექნიკის და ავეჯის სექტორებში.