2024 წლის ოქტომბერში, ოფიციალურ რეგისტრაციებზე დაყრდნობით, თბილისში სულ 3,750 ტრანზაქცია დაფიქსირდა, რაც წლიურად 12.8%-იანი, ხოლო თვიურად 6.3%-იანი ზრდაა. თუმცა, დეველოპერების გამოკითხვის მიხედვით, რომელიც რეალურ დროში მიმდინარე ტენდენციას უკეთესად ასხავს, უძრავ ქონებაზე მოთხოვნა თბილისში ოქტომბერში შენელდა. ბინების გაყიდვები შერჩეული დეველოპერების პროექტებში თვიურად 10.9%-ით, ხოლო 2024 წლის პირველი 4 თვის საშუალოსთან შედარებით (როცა გაყიდვების ტემპი მაღალი იყო) 11.8%-ით შემცირდა, რაც შიდა პოლიტიკურ არასტაბილურობას უკავშირდება. აღსანიშნავია, რომ პირველად ბაზარზე ოქტომბერში ფასები თვიურად მცირედით, 0.3%-ით გაიზარდა და $1,307-ს მიაღწია. ამასთან მიწოდების მხარეს, მშენებლობაზე გაცემული ნებართვების მოცულობა წლიურად 55.8%-ით გაიზარდა, ოთხთვიანი შემცირების შემდეგ.
