კვარტლური შედეგების გამოცხადების შემდეგ Nvidia-ს აქციები 26%-ით გაიზარდა: Nvidia-მ 2023 წლის პირველი კვარტლის შედეგები გამოაქვეყნა, რის ფონზეც აქციების ფასი 25%-ით გაიზარდა. კომპანიის შემოსავალმა $7.19 მილიარდი შეადგინა, რაც საგრძნობლად აღემატება $6.52 მილიარდიან პროგნოზს. Nvidia-ს წარმატება განაპირობა გენერაციული AI-სთვის შექმნილმა H-100 ტიპის ჩიპებმა. OpenAI-ის ChatGPT-ის გაშვებამ დიდი მოთხოვნა შექმნა H100-ზე, ხოლო Nvidia ხელსაყრელად პოზიციონირდა ამ ბაზარზე. გაყიდვების პროგნოზი მომდევნო კვარტალში $11 მილიარდია, რაც აღემატება წინა შეფასებებს და განპირობებულია ტექნოლოგიური კომპანიების მიერ მონაცემთა ცენტრის გაზრდილი ხარჯებით და AI ჩიპებზე გაზრდილი მოთხოვნით. Nvidia-ს საბაზრო კაპიტალიზაცია გაიზარდა $184 მილიარდით და $1 ტრილიონს მიუახლოვდა. H100, რომელიც დაფუძნებულია Hopper-ის ჩიპების არქიტექტურაზე, ძალიან მოთხოვნადი გახდა სილიკონის ველზე, რაც განაპირობა გენერაციული AI-ს უფრო ინტენსიურმა მოხმარებამ. Nvidia-მ წარმოება გააფართოვა ჩიპების მწარმოებელ TSMC-თან თანამშრომლობით.
Ford-ის და Tesla-ს აქციები Superchargers-ის გარიგების ფონზე გაიზარდა: Ford Motor Co-ს აქციები გაიზარდა 7%-ზე მეტით მას შემდეგ, რაც კომპანიამ განცხადება გააკეთა Tesla-სთან გარიგების თაობაზე. გარიგების თანახმად, Ford-ის ელექტრომობილების მფლობელებს შეეძლებათ ისარგებლონ Tesla-ს დამტენი სადგურებით ჩრდილოეთ ამერიკაში. Ford-ის აღმასრულებელმა დირექტორმა, ჯიმ ფარლიმ, განაცხადა, რომ Tesla-ს „სუპერდამტენები“ შესაძლოა გახდეს სტანდარტი ელექტრომობილების დამუხტვისთვის შეერთებულ შტატებში. აშშ-ის ტრანსპორტის მდივანმა, პიტ ბუტიჯიგმა, შეაქო Ford-Tesla-ს გარიგება და ყურადღება გაამახვილა Tesla-ს დამტენების ვრცელ ქსელზე. დამტენი სადგურების ხელმისაწვდომობა განისაზღვრა როგორც მნიშვნელოვანი დაბრკოლება ელექტრომობილების ფართო გამოყენებისთვის. ფარლიმ ასევე აღნიშნა, რომ General Motors-მა და სხვა ავტომწარმოებლებმა უნდა გააკეთონ არჩევანი Tesla-ს დამტენებსა და კომბინირებული დამუხტვის სისტემებს (CCS) შორის. Ford-ს ამჟამად აქვს დაახლოებით 10,000 სწრაფი დამტენი, ხოლო Tesla-სთან შეთანხმება გააორმაგებს ამ რაოდენობას.
Marvell-ის აქციები 32%-ით გაიზარდა: Marvell Technology-ს აქციები მნიშვნელოვნად გაიზარდა მას შემდეგ, რაც კომპანიამ მოლოდინზე უკეთესი კვარტლური შედეგები გამოაქვეყნა. ჩიპების მწარმოებელმა 2023 წლის პირველ კვარტალში გამოაცხადა $0.31 მოგება თითო აქციაზე, რაც აღემატება $0.29-ის პროგნოზს. ამ პერიოდის შემოსავალმა მიაღწია $1.32 მილიარდს, რაც აღემატება ანალიტიკოსების $1.3 მილიარდის პროგნოზს. Marvell-ის აღმასრულებელმა დირექტორმა, მეთიუ მერფიმ, კონფერენციის დროს ხაზი გაუსვა ხელოვნური ინტელექტის მზარდ მნიშვნელობასა და ბიზნეს პოტენციალს. კომპანია გეგმავს ხელახლა შეაფასოს საკუთარი მიდგომა ხელოვნური ინტელექტის მიმართ და მიაჩნია, რომ ეს ზრდის მნიშვნელოვანი შესაძლებლობაა. Citi-ს ანალიტიკოსებმა გამოთქვეს ოპტიმიზმი Marvell-ის აქციებთან დაკავშირებით და გაზარდეს მათი ფასის პროგნოზი 58 დოლარიდან 61 დოლარამდე. Marvell-ის მენეჯმენტის შეფასებით, კომპანიის AI შემოსავალი იქნება დაახლოებით $200 მილიონი 2023 წელს, ხოლო $400 მილიონზე მეტი 2024-ში.
კვირის ETF:
First Trust Cloud Computing ETF (SKYY) არის ფონდი, რომელიც მიჰყვება ISE Cloud Computing ინდექსს. SKYY ინვესტორებს სთავაზობს ისეთ კომპანიებში ინვესტირებას, რომლებიც ჩართულები არიან ღრუბლოვან გამოთვლით ინფრასტრუქტურაში, მათ პროგრამულ უზრუნველყოფასა და სერვისებში. Cloud Computing არის სწრაფად მზარდი ინდუსტრია, რომელიც საშუალებას აძლევს ბიზნესებს გამოიყენონ გამოთვლითი რესურსები და აპლიკაციები ინტერნეტით. SKYY-ის საინვესტიციო პორტფელი მოიცავს ღრუბელთან დაკავშირებულ კომპანიებს, მათ შორის ინდუსტრიის მთავარ მოთამაშეებს და ასევე მცირე, ინოვაციურ ბიზნესებს. SKYY-ში ინვესტიციით, ინვესტორებს შეუძლიათ ისარგებლონ მიმდინარე ციფრული ტრანსფორმაციით.
